93 Harbinden İlginç Bir Belge
Osmanlı-Rus, 93 Harbi’nde Plevne Cephesinde, Her İki Taraftaki Çerkes Askerleri İle İlgili İlginç Bir Arşiv Belgesi
Müfid Yüksel
TELGRAFNÂME
An: Plevne İla: Yıldız Sarây-ı Hümâyunu
No: 138
Fi 5 Ağustos 1293
Mâbeyn-i Hümâyun Başkitâbet-i Celîlesine
İşbu cum’a günü asâkir-i muâvene-i Çerâkise’den müretteb çıkarılan keşif kolu evvelâ Rusya’nın bir bölük süvârisine tesâdüfle biraz muhârebe ve çarpıştıkdan sonra bunları ilerideki pusularına çekmek üzere Ruslar ric’at gösterdiklerinde çerkes dahi tâkib ederek pusuda bulunan bir bölük dahi çıkmış ise de edilen ateşe dayanamayıp ric’atle daha ilerlerinde bulunan bir bölük süvârileriyle dahi birleşip tekrar harbe başladıklarında olunan ateş ve edilen hücuma mukâvemet edemeyerek münhezimen firâr eylediklerinde bir müddet tâkib ile Çerkeslerin ordugâha avdetlerinde Ruslar diğer yoldan dolaşıp ordugâha yakın mahalde çerkeslerin önlerine çıkarak Çerkes lisânı üzere tekellüme başladıklarında bunları Çerkes zannıyla mühimsememişler ise de biraz tekarrüblerinde düşman olduklarını anlayarak hemen üzerlerine etdikleri şiddetli hücumlarında birkaç neferini tepeleyip diğerlerinin her biri bir tarafa firâr eyledikleri ve bu mukâvemetde düşmandan otuz-kırk kadar telefât ile bir iki misli mecrûh vukûbulduğu gibi yedi-sekiz re’s k… ve bir mikdâr tüfenk ve yağmurluk iğtinâm edildiği ve Çerkeslerden dahi bir şehîd ile iki yaralı vukûbulduğu arz olunur. Fermân…
Fi 5 Ağustos 1293
Bende: Osman
Latin Harflerine Aktaran: Müfid Yüksel